Plaça Faidherbe
La plaça prend son nom lo 22 de feurier de 1890 en sovenir dau generau Loís Leon Cesar Faidherbe (1818-1889), administrator coloniau, comandant de l’armada dau Nòrd pendent la guerra de 1870-1871, puei òme politique.
Autres temps, era la plaça Sent-Laurenç daus Barris puei la plaça dau Pont-Vielh (autre nom dau pont de la Tornapicha, conegut uei coma lo Pont daus Barris).
De 1118 a 1687, quela plaça era lo cementeri daus Paubres, apelat maitot cementeri daus Barris o de la Tornapicha o de Sent Jòrgi.
En junh de 1883, siguet la Plaça de l’Escòla Normala que bastigueren sus l’emplaçament de l’ancian covent daus recollects que l’egleisa era dediada a Nòstra-Dama-de las-Vertus.
Quela plaça es plantada de platanas. Aubres enauçats coma de las colomnas au tronc len escalhat, las platanas son daus aubres d’usatge per lors fuelhas larjas (dau grec Platos que vòu dire large) que garantissen una ombra densa e frescha per gardar los juecs daus mainatges, los parladís, los juecs de bolas … Aicí, son mai que mai las veituras que se gardan dau solelh.
Per venir vielha, la platana aima l’aiga, las molhieras ; e sovenetz-vos qu’una font pissava sus quela plaça (font que trobaretz plaça F. Roosevelt).
Prenetz lo temps d’espiar la reparticion en pè d’aucha de las ruás que colan de la plaça. ‘Vances de vos engulhar dins la ruá de Las Chauchieras), au debut de la ruá Peire Manhe, notatz la beutat de las vielhas maisons de la fin dau segle XIX.
Place Faidherbe
La place prend son nom le 22 février 1890 en souvenir du général Louis Léon César Faidherbe (1818-1889), administrateur colonial, commandant de l’armée du Nord pendant la guerre de 1870-1871, puis homme politique.
Autrefois, c’était la place Saint-Laurent des Barris, puis place du Pont Vieux (autre nom du pont de Tournepiche, connu aujourd’hui comme le Pont des Barris).
De 1118 à 1687, cette place était occupée par le cimetière des Pauvres, nommé aussi cimetière des Barris ou de Tournepiche ou de Saint-Georges.
En juin 1883, elle fut la Place de l’Ecole Normale, construite sur l’emplacement de l’ancien couvent des récollets dont l’église était sous le patronage de Notre-Dame-des-Vertus.
Cette place est bordée de platanes. Arbres élancés comme des colonnes au tronc doux et écaillé, les platanes sont des arbres d’usage par leurs larges feuilles (du grec Platos qui signifie large) qui garantissent une ombre dense et fraîche pour protéger les jeux des enfants, les bavardages, les jeux de boules… Ici, ce sont les voitures qui se protègent du soleil.
Pour devenir vénérable, le platane aime l’eau, les endroits humides ; n’oublions pas qu’une fontaine coulait sur cette place (vous la retrouverez place F. Roosevelt).
Prenez le temps d’observer la répartition en patte d’oie des rues qui partent de cette place. Avant de prendre la rue des Tanneries, au début de la rue Pierre Magne, vous noterez la fragile beauté des vieilles maisons de la fin du XIX°s.
